Meta ka ndërtuar një prototip roboti humanoid për të ndihmuar me punët e shtëpisë, sipas The Information. Roboti, me emrin e brendshëm të koduar Max, u realizua në rreth tre muaj me ndihmën e kompanisë kineze të robotikës Fourier. Ai peshon afërsisht 106 paund dhe është rreth 1,5 metra i gjatë.
Sipas burimeve të raportimit, prototipi ka një ekran që shfaq shprehje të fytyrës, një altoparlant të integruar dhe duar të projektuara për të kapur objekte të vogla. Për funksionimin e tij, Meta ka zgjedhur çipat Jetson Thor të NVIDIA-s.
Nuk ka ende një datë lançimi për një version të Max për tregun e gjerë. Megjithatë, që prej shtatorit, Meta po punon për një prototip të dytë, të koduar Max 2. Ndryshimet përfshijnë përditësime në projektimin e bustit dhe të duarve, si dhe shtimin e një projektori dhe sensorëve të tjerë që synojnë ta ndihmojnë robotin të lëvizë më mirë në shkallë.
Përpjekjet e Meta-s në robotikën humanoide nisën të paktën vitin e kaluar, kur Bloomberg raportoi se kompania kishte krijuar një ekip për ndërtimin e pajisjeve robotike, me synimin përfundimtar kryerjen e punëve të shtëpisë. Pas atij raportimi, në fillim të këtij viti Meta bleu një startup të njohur për zhvillimin e inteligjencës artificiale posaçërisht për robotë.
Burimi: Engadget — lexoni artikullin e plotë në anglisht.
